GIDAN DAN LITI

Allah ka ji laushin gadon da nake kwance akai kuwa? Ka ga kyan makewayin su kuwa? Makewayin mugun zabgege sukutum da guda aka ce nawa ne ni kaɗai,sannan d'akin ma duk girman shi da tsaruwar shi wai nawa ne ni kaɗai" Tun Sule na jin ya matsu ta kashe waya ya ci gaba da abinda yake yi sai ya ji kwad'ayin son ganin wajen dan ya kwad'aitu da son zuwa kanon nan shima dai, dan kuwa duk 'Yammatan da yake faman biya wa buqatar sha'awar su ta waya suna ce masa a kano suke wasu a wasu sassan jahohin arewa suke kaɗan ne a kudu,Sule ya yi qaurin sunanda da ace mutanen da yake mu'amala da shi za su san asalin ko shi wanene tabbas da babu mai sake kula shi a cikin su,da muryar shi mai shegen daɗi yake yaudarar matan da suka kwashe kayan su daga gaban ma'aikin Allah suka kai gaban shaid'an suke kwasar ilimin yanda za a saɓa wa Allah. Sunan da Sule ke amfani da shi a social media ma kan shi abun kyama ne ga dikkan mutum mai hankali, dan kuwa baya ma b'oye abinda yake aikatawa a social media. Da damar matan da ke tura masa kuɗi da data ta waya da account ɗin shi sun matsu su yi tozali da gwarzon kyakkyawan namijin da muryar shi ke ɗebe masu kewa amma sule ya yi fafur ya ki yarda kowa ya gan shi. Hasali ma hoton wani matashin buzu ya sanya a profile picture ɗin shi na kowanne kafa ta sada zumunta da yake amfani da shi, dan haka da damar matan nan sun amince wa kan su sule fa kyakkyawan saurayi ne mai kuma murya mai daɗi.Duk wadda Sule ya yarda ya nunawa kanshi to fa shaƙuwar su ta kai shaƙuwa ne ya sanya shi bayyana mata asalin fuskar shi. Sun jima sosai Mommy ta na bashi labarin yanayin gidan da aka sauke ta kafin daga baya su yi sallama ya kuma yi mata alqawarin idan Baban su ya dawo zai haɗa ta da shi da mutanen gidan ta waya su gaisa,kafin nan zai sanar da Innoh sun isa lafiya, godiya ta yi masa suka yi sallama ta kashe wayar. Band'aki ta shiga ta tara ruwa a kwamin wanka ta zuba kayan wanka kamar yanda Billy ta sanar da ita ta shiga ta kwanta yanda taga turawa na yi a cikin ruwa idan sun shiga haka itama ta yi. Ta jima zaune ciki tana dirzar jikin ta kafin daga baya ta fita saboda k'wank'wasawa qofar da ta ji ana yi,towel ta d'aura a jikin ta sannan ta fita kan nan ya sha wanki sai d'igar ruwa yake yi ya cunkushe waje ɗaya,fatar ta sai ta qara wani sheqi da kyau da santsi tare da ɗaukan idanu. Tana fita taga wata matashiya ɗauke da babban faranti abinci  da fruits da ruwa sai lemon kwali da sauri ta nufe ta zata Karb'a matashiyar ta haɗe fuska tace, "Umarnin inda za a ajiye kawai zaki bani" Jikin Mommy ne ya yi sanyi ganin irin kallon da matashiyar ke yi mata, kallo ne irin na kyankyami da raini ɗin nan, shanye wa ta yi ta nuna mata gefen gado inda wani ɗan qaramin table yake tace, "Ajiye min a can" "Ok" Shine kawai abinda matashiyar ta ce ta wuce ta ajiye sannan ta fita tare da banko qofar d'akin saida Mommy ta kulle idanun ta. Yarinyar na komawa kitchen ta jingina da jikin locker ɗin kitchen carbinet,abokan aikin ta dake cikin kitchen ɗin kuwa mace ɗaya namiji ɗaya suna nan tsaye suna ci gaba da aikace-aikacen su, tsayuwar ta ke da wuya gaba ɗayan su sai suka yo kan ta suna tambayarta, "Ke bamu mu sha,ita kuma wannan wacece?" "Hummm ni fa ina mamakin irin waɗannan mutanen, wai ace ko kunya basu ji suke baro gaban iyayen su su zo su dinga yin abin duk da wannan...." "Keee Zubaida kama bakin ki,kar ki je ki yi shuka a idon makwarwa,mu dai ba dai ana biyan mu kud'in dake kashe mana buqatun mu ba? To mu kama kammu Allah ya shirye su, mu kuma ya kare mana imanin mu" "Humm Ameen Sallau kai ma dai ka faɗa, Allah ya kyauta" "Amma ai ba dai-dai bane mu dinga aiki a qarqashin waɗanda mun san daga inda kud'in su ke fitowa ko?" "Ruby? Tsaya sauraren wa'azin muzuru ni dai kin ga na yi nan,ke in banda abinki ina ruwan ki da hanyar samun su? Ke dai ba hanyar taki samun bace damuwar ki? Kin tabbata ba wani mugun abun kike aikata wa ba ki ke samun kud'in ki to ke ina ruwan ki da inda suke samun nasu? Kin ga karb'i nan wanke min wannan na fara ɗora na dare," Aikace-aikacen su suka ci gaba da yi suna 'yan hirarrakin su sama-sama. A can d'aki kuwa Zubaida na fita Mommy ta dira a saman abincin nan ta hau saɓa masa kamanni,ganin nama kaca-kaca a saman abinci ga kuma farfesun kayan ciki da juice kalar wanda bata taɓa gani ba ya gigita tunanin ta,ko ta kan shinkafar bata bi ba dan kuwa naman kaɗai ya wadatar da ita, sai da ta ci ta qoshi sannan ta kora da ruwan roba ta miqe tana sakin wata muguwar gyasa. Billy ce ta shiga d'akin cikin wata iriyar shigar da sai a irin Nigerian films din nan na 'yan iska Mommy ke ganin mata sun yi ta, ga wani uban gashin doki da ta saka a kan ta sai mutum ya rantse da Allah a kanta ya tsiro dan ba ta inda ya nuna sanya shi aka yi. Zara zaran faratan hannun ta irin na hannun Hajiya K'waisa ne suka fi bawa Mommy sha'awa dan kuwa an yi masu fenti me kyau an saka masu stones masu kyalli a jiki, tafe take ta na cin chewing gum ta na yatsina ta shiga d'akin riqe da wata jaka a hannun ta ta miqa wa Mommy ta ce, "Sanya wannan mu je saloon ki na buqatar gyara kafin muzo dinner da Hajiya anjima, dan ganin kan ki kaɗai zai iya haifar mata da tashin zuciya ta qi cin abincin" Washe baki Mommy ta yi tace, "Laaa ai na ma wanke kan, na shiga kwamin wankan nan na haɗa ruwa kamar yanda ki ka faɗa min na yi," "Uhumm na gani amma ai baki fita ba dan ko brush baki yi ba, yanzu dai jeki ki saka wannan mu tafi lokaci na qure wa" A gaban Billy Mommy ta cire towel ɗin ta ta hau sanya kayan da aka bata, hakan da ta yi kuwa ba qaramar fitina ya kunna wa Billy ba da ta jima ta na fakon ta tinda ba tun yau ba suka saba cire kaya a gaban junan su, a cewar su ai duk mata ne meye a ciki? Abinda Billy ke da shi Mommy na da shi dan haka ba wani abu bane dan sun ga junan su tsirara,danne abinda take ji game da mommyn ta yi ta ayyana a ranta, 'Idan kere na yawo zabo na yawo watarana za su haɗu ne, Allah dai ya kai damo ga harawa...' "Ina ta magana baki jini ba, nace na gama mayafi zan saka ko hijabi?" "Mommy wai me yasa ki ke abu ne kamar wata ba wayayyiya ba? Ke nan fa ko yawo kika so yi tsirara ba me hana ki,taho mu wuce ko baki ga meye a jiki na ba?" (Hummm yarinya ta gwada yawo a kano tsirara ta ga ikon Allah...ba sai na yi dogon sharhi ba) Da waɗannan kayan Billy da Mommy suka shirya suka ja qofar d'akin za su fita, takalmin da mommy ta saka mai tsini ne,saboda rashin sabo sai ya dinga gurd'e mata qafa, suna fita daga d'akin kuwa hankalin ta ya yi bala'in tashi saboda tunawa da ta yi dole ta benen nan za su sake bi su sauka qasa............ *A zo a kama mommyn gaye a saukar ta qarrr* [09/08, 10:37 pm] Aunty Hameeda: GIDAN ƊAN LITI PAGE 10: A natse Billy ta dafa kafaɗar Mommy ta ce, "Mommy ki natsu ki kalli dai-dai inda zaki ajiye ƙafar ki kawai kar ki kalli can ƙasa,to wai ke yanzu a haka zaki waye ki na tsoron bene fisabillahi? Meye a cikin hawa bene sai kace wata wadda zata taka girgije?" Cikin rawar murya da jiki Mommy ta qanqame hannayen Billy gabaki d'ayan su ta ce, "Ba zaki gane ba ne billy ji nake yi kamar ana waina ni,riqe ni kar ki sake ni, ni da za ku taimake ni ko a d'akin mai gadin gidan nan ku ajiye ni bana son wannan d'akin da sai na yi cinikin rayuwa ta sannan na hau shi" A haka suna surutu har suka sauka Mommy bata san ma an sauka ba, ganin ta sauka lafiya ne ya sanya ta sakin wata ajiyar zuciya mai qarfin gaske sannan ta fashe da dariyar farin ciki ta ce, "Ashe ma ba wani wahala," "To dama in ba dan ke ba ma meye a hawa bene dan Allah? Yanzu dole ne mu koma ki sake gwadawa,saboda bana so ki hasala Hajiya ta gaji da shirmen ki ta yi maki korar kare, gidan nan ya ajiye 'yammata iri na da irin ki sun fi goma wasu sun samu nasara a irin rayuwar da muke yi har sun jawo wasu a jiki suma sun zama wasu, wasu kuma wauta da rashin rabo da qauyanci irin naki yasa ba aje ko ina da su ba aka rabu rayuwar su ta yi munin da ta fi ta kare, dan haka ki maida hankalinki ki zama k'wararriya akan abinda ki ke yi ta haka ne zaki yi ta samun ci gaba har ki jawo wasu kema kamar yanda na jawo ki ni kuma Hajiyata ta jawo ni cikin wannan harkar" (Ci gaban mai haqon rijiya kenan) Duk abinda Billy ke faɗa yana shigewa cikin kan mommy kuma ta gamsu da bayanan ta dan haka cikin rawar jiki ta kama qarfen benen ta sake gwada hawa, idanun ta na zubar da hawayen tsoro bakin ta ɗauke da kiraye kirayen sunayen duk wanda take ganin zai zo ya kawo mata agaji a wannan yanayi da take ciki,dan kuwa hatta da sunan Ameerah sai da ta kirawo a wannan yanayin, takaicin ta kuwa kamar ya kashe Billy, gajiya tayi da tsayuwa ta samu kujera ta zauna ta fakaici idanun Mommy ta kunna camera ta na yi mata video,ta na gamawa kuwa ta yi posting a account ɗin ta na TikTok, dama ta rasa content ɗin da zata yi creating ta yi posting a ranar,nan da nan kuwa mutane suka hau gani ana yin comments kala-kala da likes, ta na nan zaune sai sheqa dariya take yi har Mommy ta yi sakkowa ta qarshe, a wannan lokacin kuwa ta na jin ta wasai ba wata fargaba balle tashin hankali dan kuwa ta gano hawan benen ba wani kayan gabas bane ba, tana sakkowa tace da Billy, "Ashe ma ba wani wahala hawa da saukar,da fari na tsorata ne kawai,yanzu kuwa ina jin ko wanda yafi wannan laulayawa ma ina iya hawan shi" "Good muje to?" Makullin mota Billy ta zara guda ɗaya a inda suke ajiye makullayen motocin gidan suka buɗe qofa suka fita harabar gidan cike da yanga,wajen motar da za su hau suka nufa Mommy na biye tana kallon ikon Allah,bata gama tsinkewa da lamarin Billy ba sai da taga ta shiga motar ta kunna ta da kan ta sannan ta buɗe wa Mommy gefen direba ta yi mata izinin shiga, a rikice Mommy ta kalli Billy da ke toshe idanun ta da wani baqin gilashi ga kid'a na tashi cikin hauragiyar yaren mutanen kudu, da qarfi Mommy ta d'aga murya tace, "Billy yaushe ki ka iya mota? Billy lamarin ki na nema ya fi qarfi na fa?" Wani shu'umin murmushi Billy ta saki sannan ta ce, "Dan Allah ki shigo kina b'ata mana lokaci, akwai abubuwan da baki sani ba da yawa game da ni,amma a hankali lokaci zai bayyana maki su,fata na ki rage wannan qauyancin da kike yi dan zai jawo maki raini a gaba a irin wannan duniyar tamu,ina fatan kin gane?" Zama mommy tayi tana gyad'a kai zuciyar ta fal tsoro da fargabar anya ba zata juya ba daga wannan makauniyar tafiyar da ta faro a cikin rayuwar ta? Mai gadi ne ya wangale musu gate Billy ta take mota suka bar harabar gidan,tun a hanya Mommy ta kula da yanda manyan motoci ke shawagi a cikin wannan hamshaqiyar unguwar, banda kallon su da gine-ginen dake wajen ba abinda Mommy ke yi,tafiyar da suka yi bata kai ta rabin awa ba suka isa wani makeken waje wanda Mommy ta kasa yarda wai iyakar gyaran kai ake yi a wajen saboda girman shi da tsaruwar shi, tunda suka fito ta ga manyan mata da 'yan mata kyawawa da kuma wanda kwalliya ta rufawa asiri sai nera da ta qara gyara sufar su suna shige da fice a wajen. Suma shiga suka yi cike da jin kan su su wasu ne, Billy sai qoqarin nuna wa Mommy yanda zata yi tafiya take yi a fakaice,a haka suka shiga Billy ta gabatar da Mommy a matsayin wadda take so a yi wa gyaran ciki da waje,(gyaran kai ,waxing, gyaran qafa da hannu da kwalliya) sai tace musu zata je ta dawo kafin magariba su wuce. Mommy na jin Billy zata tafi ta barta a wannan wajen sai ta ji wani irin tashin hankali da damuwa ya mamaye ta, da sauri ta damqi hannun Billy tana muzurai, murmushin yaqe Billy tayi ta kama Mommy suka koma gefe tace mata, "Ki zauna anan yanzu zan je na dawo akwai abinda zan gabatar mai mahimmanci kar ki ji komai na ce su yi maki duk abinda ya dace, kin ga na bada kati na su cire kuɗin su dan haka na biya kud'in yi maki komai,zaki gode min da zarar an kammala, dan Allah ki dena abinda kike yi ki saki jikin ki nan wajen Hajiyata na da maqiya sosai a wajen,da zarar aka ga abinda kike yi sai ki zubar mata da aji kuma ni zata yi wa faɗa, ki kama kan ki dan Allah" Yaqe Mommy ta yi sannan ta saki hannun Billy ta bi matar da ke tsaye tana jiran su gama sallama, Mommy na shigewa wajen da ake gyaran jiki Billy ta fita daga building ɗin ta wuce wajen Man ɗin ta dan kuwa sun yi kewar junan su matuqa bata fatan su kwana basu gana ba,ta tabbata kafin nan kafin a gama gyara Mommy sun gama abinda za su yi sai ta dawo su wuce gida, bata so ta b'ata wa Hajiyan ta rai tunda har ta sanar da su za su yi dinner tare, da ta jira su gwanda su su jira ta. Tinda aka shigar da Mommy wajen gyaran jiki basu fito ba sai da Billy ta dawo ta nemi inda suke aka ce suna wajen yin k'walliya, direct d'akin da ake yin kwalliya Billy ta shiga, sanda idanun ta suka sauka akan Mommy da ta sauya kamanni saboda gyara da kwalliya da ta sha sai da ta rikice, nan take ta ji wani irin kishi da hassada ya d'arsu a ran ta, cikin jimanta lamarin ta ayyana, 'Anya ban d'akko ruwan dafa kaina ba kuwa? Kar fa naje garin taimako ta ture gwamnati na ta kafa tata sai dai na jira ta kwashi babban kaso a bani qarami' "Ranki ya dad'e gata nan an kammala duk abinda ki ka ce a yi mata, amma fa wannan qanwar taki akwai ta da tsoro da raki," Yaqe Billy tayi tace, "Haka take, ina godiya gaskiya kun yi aikin da ya dace ku yi harma da qari,dan haka dole ne a qara maku wani abu" Ta faɗa tana mai zuge jakar ta ta dakko kuɗi kimanin dubu goma ta baiwa mai kwalliyar, godiya mai kwalliyar ta yi mata sannan Billy ta yi wa Mommy umarnin su wuce su tafi shopping, gashin dokin da aka sanya wa mommyn ta kawar da wanda ya sauka a saman fuskar ta ta miqe tsaye ta na qara kallon kanta a madubi da kyau, tabbas ita ɗin mai kyan diri da fata ce ta sani, amma bata taɓa zaton tana da kyau a fuskar ta irin haka ba sai yanzu,sai a yau ta ke ganin ashe ma bakin nata da ake yi wa iya shege wata kadara ce ta daban da Allah ya yi mata,dan kuwa ya ɗauki kwalliyar da aka yi masa tsafff ya qawatu ya qawata fuskar ta. "Hahaiiiii ! son a sani ne fa ba wani abu ba, matar da har yau a qarqashin wata take bata da gidan kan ta ai barikin nata bai kai ko ina ba" A fusace Billy ta juya ta kalli 'Yan matan dake danna waya suna cin chewing gum suna dariya qasa qasa tare da kallon Billyn suna ci gaba da yi da ita a gaban idon ta, har zata tanka su ta tuna da gargad'in Hajiya K'waisa na ta kiyaye yin qananan faɗan da za a kai ta wajen police, dan kuwa hakan ba k'aramin taɓa mata qima yake yi ba a gan ta kullum tana neman alfarma a wajen 'Yan sanda manyan su da qananan su. K'wafa ta yi ta ja hannun Mommy suka bar wajen, ko da suka fita sai Mommy ta ji ana ta kiraye-kirayen sallar magariba, kallon Billy da ranta yake a matuqar b'ace ta yi tace, "Yanzu idan zan yi sallah wannan faratan za su ɗauki ruwa kuwa? Sannan shi wannan gashin na ga kamar hula ce aka sawa gam ya manne da kai na ta ina ruwa zai shiga na yi shafar kai?" (Tambaya zuwa ga masu sanyawa faratan su fenti da kuma sanya attachment daga mommyn gaye) Cikin fushin dake cin ranta ta juya ta kalli Mommy tace, "Idan Sallah kika biyo ni yi nan garin sai ki yi bayani sai na kai ki gidan manyan malaman garin nan a buɗe maki masallacin mata kina jan su sallah,kin ga Mommy bari na buɗe miki wannan harkar tamu ki ji ya take idan kin ga zaki iya ki bini tun yanzu ki san ina ki ka shigar da kan ki da kan ki, idan kuma kin ga baza ki iya ba gwanda tin yanzu mu rabu kowa ya san inda dare ya yi masa. Maganar gaskiya Mommy ba wani aikatau da nake yi da ya wuce aiki da jiki na da Allah ya bani ina biya wa mace ko namiji buƙatar su, su kuma su zube min kud'ad'e maqudai na biya tawa buqatun na yau da gobe,ina kuma yin hakan ne ta hanyoyi da dama,kamar  su wayar nan ta zamani da ki ka gani a hannayen mu ina nufin ta social media kamar su WhatsApp, TikTok, Instagram, Telegram ke har ta Twitter yi muke yi,sannan ina iya bin mutum duk qasar da yake so dan na taya shi shaqatawa ko kuma a nan gida Nigeria,ni ɗin nan da ki ka ganni ba qaramar yarinya bace, tsoron zagin da za a yi wa iyaye na ne yake sanyawa nake rage wasu abubuwan,wannan shine dalilin da yasa kika ga sai na yi shekaru ban je gida ba,saboda iyayen da suka haife ni ma basu san asalin me nake aikatawa ba,dan haka idan kin ga zaki iya ki yi in baza ki iya ba ga hanya nan kafin komai ya yi nisa ki koma qauyen Ba mugu ki ci gaba da bawa Yah Shamsu jikin ki yana lalubewa babu ko sisi" Tana gama fad'ar waɗannan maganganun da suka sanya Mommy yin suman zaune ta ja motar da mugun gudu suka isa wani shopping mall dake kusa da saloon ɗin da suka je ta samu wajen parking ta yi ta fita ta tsaya tana jiran Mommy da har a wannan lokacin bata gama fita daga cikin rud'anin da ta afka ba. Sigari ta fitar ta kunna ta hau busawa abinta hankalin ta kwance, masu wucewa na kallon ta, abinda ya sake d'aure wa Mommy kai kenan, dama Billy na shaye-shaye,sannan a bayanan ta ta ji kamar maza da mata dika take bi anya zata iya yin wannan rayuwar irin ta su Billy kuwa? A hankali jiki babu k'wari ta fita,Billy na ganin ta fita bata ce mata komai ba ta yiwa karan sigarin ta doguwar zuƙa ta fesar sannan ta yar ta bi ta take ta sa kai suka shiga shopping mall ɗin,wajen da ake saida qananan kaya na mata suka nufa, Billy ta dinga kwasar wa Mommy ta na kara mata a jikin ta, da ta ga sun yi mata sai ta ɗaukar mata, a haka saida ta ɗebar mata kala goma sannan ta kwashi takalma biyar da purse uku masu kyau ta wuce wani d'aki ta sa mommy ta shiga ta dinga gwad'awa, daga qarshe ta bar wata bingilar riga kalar purple mai duhu wadda take iyakar ta guiwa da siririn hannu ta qirjin ta an tattare ta kaɗan, murmushi Billy ta yi ta daki mazaunan Mommy ta ce, "Da kyau Hadizan Ɗan liti, mu je na san yanzu Hajiya na can ta dawo,mu je ki bata mamaki qawata, yanzu ace Baba D'an liti ya gan ki a haka ai sai ya tsine miki ya haɗa da ni da zuri'a ta dika," Ganin Billy ta saki ranta har tana murmushi da jan ta da wasa ne ya sanya Mommy itama sakin ranta kaɗan, dan kuwa a da duk ta takura ta damu, ga jimamin sanin Billy ba aikatau take yi ba karuwanci take yi ga kuma Billyn na fushi da ita saboda ta yi maganar lokacin sallah. A hanya ne Mommy ke jinjina lamari irin na mutanen duniya, ashe dai komai iskancin ka kana samun wanda ya fi ka? A da da tana gidan su sallah sai ta ga dama take yi, ko kuma ta haɗe azahar, la'asar, magariba, watarana se zata kwanta ma ta haɗa duk har da isha'i,sai gashi anan yin maganar lokacin sallah ma ya zama tashin hankalin da ake d'aga jijiyar wuya akai,lallai rayuwar duniyar nan ta na da ban ta'ajibi. Sun isa gida a matuqar gajiye, dan haka suna isa Billy ta fito ta wurga wa Sallau makullin motar tace ya fitar da kayan ciki ya kai d'akin Mommy, da sauri ya cafe makullin motar ya fara bin umarnin ta, Mommy kuwa na biye da ita kamar raqumi da akala. Suna shiga suka ga Hajiya K'waisa da wani kyakkyawan matashi suna manne da juna kamar mata da miji, Hajiya K'waisa sai shagwab'a take yi wa matashin shi kuma yana lallashin ta tare da sumbatar ta a duk inda ya samu a jikin ta. A kasalance Hajiya K'waisa ta d'aga kan ta daga jikin kyakkyawan matashin ta na duban Billy wadda ta b'oye Mommy a bayan ta ta na murmushi,cikin wani irin yanayi Hajiya K'waisa ta miqe a ɗan firgice bayan Billy ta matsa Mommy ta bayyana. "Ke Billy wannan halittar daga ina haka? Ke..ke...tsaya, kar ki ce min...laaa kar ki ce min wannan wagirarriyar yarinyar ce ta koma haka? Allah mai iko ! Ahayyeeee washhh Allah maraba gasasshe wai kura ta ga baƙin jaki" Dariya Billy kawai take yi ta jin daɗi dan kuwa ta san idan Hajiya ta yaba dole a yi mata ruwan nerori. "Billy ina motar can da kike maita na hana ki? To ki ɗauka na baki kyauta" Ihun murna Billy ta sanya ta tafi da gudu zata rungumi Hajiya Saurayin Hajiya ya zabga mata harara, harar da ta dakatar da Mommy daga dariyar da take yi ta farin ciki, dan kuwa a ganin ta ko za a kashe ta ba zata iya yin wannan hararar ba a matsayin ta na mace. Cikin wata muryar da Mommy ta zata mace ce ke magana matashin yace wa Billy, "Ke dakata anan, na yi maki iyaka da wannan naman, domin kuwa naman giwa ya fi ƙarfin kaza ta ja shi,tsaya can kiyi murnar ki bana son gwalangwason banza" Kafin Billy ta yanko tata maganar Hajiya K'waisa ta shiga tsakanin wannan 'yar qaramar taqaddamar dake son ta kaure tsakanin Billy da saurayin Hajiya K'waisa, "To ya isa haka, table ɗin mu is ready mu kaɗai abinci ke jira tun ɗazu mu je mu ci kar ya yi sanyi,Billy kin cancanci wannan kyautar shi yasa na yi maki ita, na sani kina so ki wanke min bakin cikin da Any ta sanya min a raina ne kafin ta bar gidan nan, na tabbatar ke da kan ki a yanzu idan kin so zaki iya kafa taki