anin yanzu da ko'ina a jikina Æashi da jijiyoyi ne suke magana, ido kuwa ramar da ta fito da shi waje yanda kasan na mujiya, gefen kumatuna duk ya zurma ciki, shi kansa uban hasken da nayi ba na komai ba ne sai na shegiyar ramar da nayi, albarkatun Æirjina kuwa duk sun kwanta shalaf kamar wacce ta shayar da Æ´aÆ´a Éari, duk na zama wata babu kyan gani kai baka ce me tashen Æuruciya ba shekaru ashirin da huÉu a duniya.
Lokaci guda idona ya cika da tarin ruwan hawaye, sai dai basu sami nasarar zubowa ba, cikin yanayi na bala'in tausayin kaina na sunkuyar da kaina Æasa ina jin wani dunÆulallan abu na tsaya min a maÆogoro yaÆi wucewa, hakan sai ya zama famin ciwo a gare ni, wanda da zan samu in korashi da yawun bakina ko kuma ya wuce da kansa wataÆila da na sami sassauci. Cikin Æarfin halin da na saba na Éago kaina ina mayar da tarin Æwallar da ta cika min ido, Éakin kawai nake bi da kallo, ko a iyaka shi aka bar bawa rayuwa ya ishe shi jin daÉi da more rayuwa, damuwarsa ta gushe, ballantana kuma ace rayuwa kake yi a cikin tamfatsesen gidan nan da yake sai kace a Æasashen turawa, lumtsum nake a cikin daula, duk wanda yazo gidana ba ya son tafiya, iya dukiya dai an narkata wajen ginin gidan, zaka rantse da Allah ba duniyar da talakawa ke rayuwa ba ne, idan ba Allah ya soka da rahma ba sheÉan sai ya shagaltar da kai da yin ibada.
Sau tari Æawayena da Æ´an uwana kan ce min ke kam Sa'ida kin more, ba ki da saurin baÆin ciki da takaicin duniya domin Allah ya kashe ya ba ki, arziÆi ta ko'ina, kalli gidan da kike ciki kamar ba za'a mutu ba, irin motocin da ake fita da ke a cikinsu zamansu kaÉai yasa kiyi Æiba ki fresh, abinci kullum da nama, ke kam ba ki da sauran damuwa, ba su san da cewa ba anan take ba wai abin da yawa mutuwa taje kasuwa, sai da kwanciyar hankali ake jin daÉin.
Madubin da ke gabana na kalla da kyau, na sauke babbar ajiyar zuciya tare da yin murmushi mai ciwo, ina mamakin masu faÉa min irin wannan zantukan, ban sani ba ko iyaka daular da Allah ya ajiye ni a ciki kawai suke kallo shiyasa ba su taÉa lura da cewar akwai Æalubale mai wahala a gefe, bana jin daÉin gidan, bana farin ciki sam, su ka kasa ganin irin lalacewar da nai, su ka kasa fahimtar gwara ma rayuwata ta baya akan ta yanzu, su ka kasa fahimtar ina da buÆatar taimakonsu. Su na ganin cewa zan iya yi musu komai tun da su na kiran wannan Æaton gidan da gidan Sa'ida, ba su san cewar babu abin da zan iya, domin ba ni da komai, tun da komai Éin da su ke kallo ba mallakina ba ne ba taÆamata ba ne.
Æwarai kuÉi da rai da lafiya rahma ne, kuÉi komai ne bayan lafiya, babu abin da yafi ace yau kafi Æarfin komai, ace yau kai ne kake Éauka ka bayar ba wai a Éauka a baka ba, kaci mai kyau kasha mai kyau ka kwanta a mai kyau kasa sutturu masu kyau da tsada, ka hau jirgi ka keta hazo zuwa in da kake so, ka Éiba ka kashe babu mai Æayyade maka, kayi mu'amala da mutanen da su ka fika. To amma me?, duk da irin tarin dukiyar da kake da ita, da irin daular da kake rayuwa a ciki, muddin babu kwanciyar hankali to babu farin ciki da jin daÉi. Ni a wurina gwara in rayu cikin talauci akan ace ga tarin dukiyar amma babu zaman lafiya babu kwanciyar hankali balle na sami natsuwar zuciya.
Na sake sauke ajiyar zuciya mai nauyi a karo na uku, murmushin da yafi kuka ciwo nayi ina girgiza kaina wanda ni Éaya na san ma'anar hakan. Abu Éaya na barwa kaina sani shi ne kowanne matakin nasara ba'a hawansa sai da Æalubale, kuma komai na duniya fararre ne Æararre, kuma dogaro ga Allah jari, babu kuma mai yi sai Allah, muddin akwai yau, gobe da jibi to komai zai shuÉe ya zama tarihi. Na gyara Éaurin Éankwalin da ke kaina, turare na Éauka oil na shafa, sannan cikin sanyin jiki da mutuwarsa na fita a Éakin ina jin Æafafuna tamkar a ÆanÆara.
cikin sauri da rashin jin daÉi a raina da ban ankarewa tafiyar lokaci ba na fita, na san duk inda Hubbi yake yanzu yana kan hanyar dawowarsa gida, wataÆila ma ya dawo ban sa ni ba, tun da Æ´an kwanakin nan bana sanin dawowarsa in ba zaman parlo nayi ba, kamar yanda ba zan san fitarsa ba, ga shi ko abinci ban Éora ba sakacin da ban taÉa yi ba, abincin da idan nayi ma ba'a masa cin kirki ko kuma a barni da kayana, amma duk hakan ba zai sa in daina ba, zan ta ÆoÆarin sauke hakkin da ke kaina na dafawa tun da an siyo an a jiye. Ina fitowa daga bedroom ko Æasa ban sauka ba don gani nake zan Æara Éata lokaci ne.
kitchen Éin sama na wuce kai tsaye, babu Éata lokaci na buÉe fridge na Éauko gwangwanin bama da nake zuba dafaffen kayan miya a ciki, ni kam ba ruwana da wahalar jajjage ko markaÉe kullum, da ya jido uban kayan miya na ke markaÉe su in dafa in juye a kwalabe. Ina aiki ina ta muraja'a, A ÆanÆanin lokaci na kammala dafa taliya jallof sai tashin Æamshin busassan kifi take yi da Æamshin kayan lambu, na juyeta