You Cannot Download this book untill you login but you can read it .

---

Login Register

da ya ji a sanadiyar accident ɗin da ya yi, sai dai matsalar kwakwalwarsa ce, har yanzu da saura ba ta warke ba.

Yau tun safe sosai helicopters ke shawagi a sararin samaniya, daga cikin Washington DC zuwa wajenta, kamar masu duba wani abin. Tun da daddy ya ji shawaginsu ya yi yawa ya san Romeo zai bar kasar ke nan, don da ma in dai ba fitar sirri zai yi ba kafin ya fita kasar sai an tashi helicopters sun yi ta kewaye cikin Washington DC, don tabbatar da tsaro, sai sun duba ko'ina. Idan sun tabbatar normal sannan private jet ɗin Romeo ya ɗaga, amma kafin ya ɗaga sai manya-manyan jiragen sojoji na kota-kwana biyu sun yi gaba, sannan nasa jet ɗin ya bi bayansu, sai wasu jiragen biyu su saka jet ɗinsa a tsakiya sai jirgin yaki ɗaya a bayan jet ɗin, don tabbatar da sun ba wa The General Of The Army kuma jika ga His excellency tsaro mai kyau, don ran Romeo daidai yake da ran zaratan sojoji 100 a cewarsu, don za a tara sojoji 100 ba za su iya aikin da shi kaɗai yake yi ba, kasancewar shi ba komai yake saka wa karfin dantse ba, akwai shi da aiki da kwakwalwa kamar agogo, manyan kasashe na duniya idan abin ya shige musu duhu sai sun nemi taimako daga wajensa, sannan kuma His Excellency yana bala'in kaunar sa fiye da tunanin mai tunani, duk cikin jikokinsa ya fi son lion, daga shi sai Michael yana matukar son su sosai. Ran Romeo babban abu ne mai matukar mahimmanci ba ga iya USA ba, har wajenta. Matukar Romeo zai fita Washington DC to fa sai an bincike ko'ina, har kasar da zai je, kafin ya dira cikin kasar sai helicopters sun tashi a cikin kasar ma, sun duba ko'ina da kyau.

Cikin taku irin na jaruman maza masu jini a jika, ya fito daga ɓangarensa, jikinsa na sanye da blue jeans mai bala'in kyau, sai Round neck T-shirt black color mai ratsin blue, a saman kayan nasa ya ɗora wannan jacket ɗin nasu, wato Puffer Jacket, ita ma black color, kalar rigarsa, kyawawan fararen kafafunsa na sanye da Hermes Birkenstock sandal, hannayensa na sanye cikin hand gloves baka, yayin da fuskarsa ke sanye da face mask baki, ya ɗaure dark black curly hair sa nan a baya, ya bar na gaban goshin kamar kullun. A yau fusatacciyar fuskar nan tasa ta fi ta koyaushe razana mai rai, domin yau fuskar tasa a ɗaure take tamau kamar wani hadari, har wani siraran jijiyo ne suka bayyana masa a goshinsa saboda ɗaure fuska sosai da ya yi, girarsa sun haɗe waje guda, saboda ɗaure fuska da ya yi, da ma gashin girar nasa ya kusa haɗewa saboda yawa, shi yasa da ya ɗaure fuska sai girar tasa ta haɗe, kwarjininsa ya kara bayyana sosai, tamkar wani zakin da ya yi shekara babu abinci, kallo ɗaya za ka masa ka san yau a fusace ya ke ainun.

Yana sako kafarsa ta saman benen zai sauƙo kasa, shi ma Musharraf yana sako tasa kafar zai hauro, bawan Allah bai san da cewa idan lion na saman staircase to ba wanda ya isa ya hau ba, har sai ya sauka, shi bai ma san waye lion ɗin ba, sunansa kawai yake ji.

Ga shi yau ran lion a matukar ɓace yake, don shi kaɗai ma sai wani huci yake, kamar ba lafiya ba, yana tafiya yana wani bubbuɗe kirjinsa, da ma kuma ga kirjin nasa a bubbuɗe.

A daidai tsakiyar staircase ɗin suka yi karo da Musharraf yana ɗan jan kafar sa a hankali yana ɗingisawa.

Wani mahaukacin mari lion ya sauƙe wa Musharraf a fuskarsa, wadda ya sanya shi yanke jiki ya zube kasa sumamme, kasancewar bene ne, hakan yasa ya gangara a sume ya sauka kasa, tsallakawa ta kansa lion ya yi, ya nufi hanyar fita daga cikin falon, don ma yana sauri ne shi yasa ya yi wa Musharraf mari ɗaya ya wuce.

"My lion where are you going?" Cewar daddy da ya fito daga ɗakin magungunansa da yake kasan benen, a hankali lion ya juyo da kallon sa kan daddy. Ganin fusatacciyar fuskarsa ba karamin razana daddy ya yi ba, ya sha jinin jikinsa don ya san halin ɗan nasa, kun san halin daddy da saurin birkicewa nan take ya ruɗe ya fara haɗa wa lion words yana in-ina. "My lion what is going on? What is happening? What is wrong with you?". Sai jero tambaya yake yi yana haɗe words, kuma ya yi maganar cike da tashin hankali.

Furzar da iska mai matikar zafi daga bakinsa lion ya yi, da kyar ya iya buɗe ɗan karamin bakinsa ya ce, "Zan je Spain ne dad, I need your prayer." Yana kai karshen maganar bai tsaya ya jira amsar da dad zai ba shi ba ya fice da sauri, don ba abin da zai hana shi dira cikin Spain yau, kuma bai son ganin tashin hankali da dad zai shiga, don ya san ba karamin tashin hankali zai shiga ba, ya san halinsa sarai, musamman ma Michael ba ya nan James ba ya nan, halin da zai shiga ba zai yi kyan gani ba, kuma ba tafiyar sirri zai yi ba ya zama dole daddy ya sani, ko bai faɗa masa ba, dole zai sani ko don jiragen dake shawagi a sama, shi yasa ma bai ɓoye masa ba, ya sanar da shi ga in da zai je kawai.

Yana fita daga falon ya nufi jerin gwanon motocinsa dake jere kamar kullun suna jiran tafiya kawai. Gidan nasu yau ya cika da zaratan sojoji sosai ta ko'ina, saboda sun san da tafiyar tasa, gabaɗaya sun jeru layi kamar wadanda za su tafi fareti, tun daga farkon kofar falon har zuwa, babban gate na gidan, Jibga-jibgan zaratan sojoji ne. Tun da ya fito suke ta faman ɗaga hannu suna sara masa tare da buga kafafunsu ɗaya a kasa.

Ko kallon in da suke bai yi ba, ya wuce ya nufi motoncin nasu, yau saɓanin kullun ne, don an kara yawan motoncin nasu, saboda kowa ya san da tafiyar tasa, don karin tsaro zuwa airport, shi yasa aka karo manya-manyan motocin sojoji masu numfashi.

Motarsa da ya saba shiga nan wannan Baturen ya buɗe masa kofar motar, ya shiga ya zauna. Yana zama Tga ya fito hannunsa riƙe da system da wayar lion, shi ma Tga yau sanye yake cikin kaki. Zuwa ya yi, ya miƙa wa lion system ɗin sannan ya ɗaga hannu ɗaya ya sara masa, karɓar system da wayar kawai lion ya yi ba tare da ya kalli Tga ɗin ba.

Runtse dara-daran idanunsa ya yi, har cikin ransa yake jiyo sautin kukan Brady, don yasa su Tga sun kulle Brady a ɗaki, saboda ba zai tafi da shi ba, kun san Turawa yadda suke da dabbobinsu, lion ya fi jin zafin rabuwa da Brady a kan su Tga, har ga Allah yana jin ciwon kukan da Brady ke yi, shi ma kuma Brady sai haushi yake dakawa da karfi, don Romeo ya ji shi ya dawo ya ɗauke shi, amma ina Romeo na jin shi, sai dai ba zai yiwu ya tafi da shi ba ne kawai.

Zuba masa ido sojan da zai tuka motarsa ya yi wato direbansa na yanzu tun da ya tura Tyrone gadon asibiti, da ma Tyrone shi ne asalin direbnsa, Tga kuma na hannun damarsa, kuma uncle nasa, ɗan autansu daddy. To har yanzu Tyrone na asibiti tun dukan da ya masa a kan watch.

Yau tun daga cikin gida suka saki jiniya mai tashin kai, tamkar fillin daga za su tafi, jiniyar yau ma ta daban suka saki, wadda da ka ji ka san manya-manyan jiga-jigan kasar ne za su fita.

Da gudun gaske motoncin suka tashi, don sun saka alamar danja a gaban motoncinsu, duk da cewa ko ba su saka alamar danja ba ma, babu wani abin hawa da ke hawa titin da suke kai har sai sun wuce, to amma yau da yake za su yi gudun wuce ka'ida sai suka sanya alamar danja don bin doka, kada su zama suna matsayin masu doka kuma suna karya doka da kansu.

Tun kafin su iso bakin gate security sun wangale musu katafaren gate ɗin gidan, a guje suka danna hancin motocinsu waje.

Ko'ina jiniya ta kareɗe cikin unguwar, da ma tuni jama'a sun san da tafiyar tasa don sun gani a labarai sai dai babu wanda ya san abin da zai kai shi Spain, sannan ba kowa ma ya san ina zai je ba, kawai dai sun san The General of The Army zai fita cikin Washington DC yau.

Tsabar gudun da suke shararawa a kan titin nan, gudu na wuce ka'ida, hakan yasa suka isa *Dulles International Airport* cikin ƙankanin lokaci.
Ko'ina a cikin airport ɗin cike yake makil da manya-manyan sojoji da kuma jiga-jigan masu faɗa a ji a faɗin kasar, ga kuma manya-manyan gidajen TV wato ƴan jarida ta ko'ina, da ƴansanda ma ba a bar su a baya ba. Idan na ce zan tsaya zayyana muku jama'ar da suka halarci wannan airport ɗin to sai mu kwana mu wuni ba mu gama ba, kawai ku kwatanta a ranku, don fa waje airport ya cika iya cika, saboda lion bai yarda da su zo yi masa rakiya daga gida ba. Idan ba ku manta ba kun san family William Jacop gabaɗayansu ba sa yarda da mutane, ba wai kuma dan tsoro ko wani abu ba, haka suke ba sa son bako kuma ba sa yarda da mutun, kila suna da nasu dalilin na yin haka ba mu sani ba, shi yasa jama'a suka zo yi masa sallama a airport.

Suna danna hancin motocin su cikin airport ɗin, jerin gwanon motocin His Excellency Mr President ya danno hanci cikin airport ɗin, shi ma ya zo yi wa jikansa sallama.

Kusan a tare lion da His Excellency suka fito daga cikin motocinsu, dukansu manya-manyan jiga-jigan sojojin ne suka take musu baya. Rungume lion His Excellency ya zo ya yi, yayin da shi ma lion ya sanya hannayensa duka biyu ya rungumo kakan nasa sosai. Sai hotuna ƴan jarida ke ɗaukar su, don ba halin su matso kusa da su, ga shi kuma suna son jin me zai kai lion Spain, suna son tambayar shi amma ba dama, don ko lion shi kaɗai ya fito babu ɗan jarida mai karfin gwiwar iya tinkarar sa, ya ce zai masa tambayoyi, ballantana yau ga jiga-jigan dubban sojoji ta ko'ina, ai ko kusa ma ba su kawo a ransu za su samu damar ganin shi da ido ba ma, don ba tafiyar yara yake ba, taku yake irin na jaruman sadaukan yaki, da ya fito daga motarsa kafin su farga ya shige cikin jet ɗinsa. Amma Allah ya taimake su sun sa mu damar ganin shi albarkacin His Excellency, don ya tsaya su yi sallama.

Kiss His extcellency ya manna masa a kumatu tare da ɗan raba jikinsu yana masa fatan alkhari. Saboda face mask dake fuskarsa yasa bai sa mu damar yi wa His Excellency kiss ba, don ba zai cire face mask ɗin nan a gaban ƴan jarida ba, hakan yasa ya wuce ya nufi cikin jet nasa His Excellency na ɗaga masa hannu tare da fatan alheri.

Gabaɗaya sojojin dake wajen suka ɗaga manya-manyan bindigun su sama, suka saki harbi, ji kake ratatata ruwan wuta.

Wucewa yayi ya shiga cikin jet na sa, jibga-jibgan sojojin shida ne suka take masa baya zuwa cikin jet ɗin, su ka tsaitsaya a kansa, riƙe da manya-manyan jiga-jigan bindigogi masu numfashi, masu kai sako direct in da aka aika su. Zama yayi saman wani haɗaɗen sofa wadda da ka gan shi kasan na musamman ne, duk da cewa gaba ɗaya, luntsuma-luntsumar sofar dake cikin jet ɗin, sofa ne masu numfashi wanda idan ka gansu, kai kace a fadan shugaban ƙasa kake, saboda haɗuwar su, ga su da laushi sosai, ko wani sofa akoi wani kyakkyawan glass table a gaban shi, wanda za a ɗaura maka drinks ko wani abin. Kasan cewar mamallakin Jet ɗin sarkin son kamshi ne hakan yasa cikin Jet ɗin ke tashin wani fitinannen daddaɗar kamshi turare mai kwantar da hankalin mai shaƙa, ga kuma daddaɗar sanyin Ac dake tashi, abun gwanin burgewa, Jet ɗin nan ya haɗu iya haɗuwa, dan haɗuwar sa ma ba zai faɗu a baki ba, ɗauke yake da tambarin sunan Romeo kamar haka *The General of the Army Romeo, da manyan baki*.

Jingina kai ya yi da jikin sofar da yake zaune, ya lumshe dara-daran kyakkyawan idon sa, ya yin da jibga jibgan sojojin sa ke ta faman kallon gefe-gefen sa dan bashi tsaro, amma basu isa su kalle shi direct ba dan bai son yawan kallo, sai dai su kalli gefe-gefe da shi, dan su tabbatar ba wani motsi ko wani na'uran nesa dake ɗaukan shi, don yanzu daga nesa za'a iya dasa maka na'ura ta ɗauko ka duk halin da kake ciki, har makiya su iya farmakar ka, sai dai a na iya gane na'uran a jikin mutum idan a ka dasa maka, hakan yasa suke yawan kallon in da yake, don su tabbatar ogan su yana kalau yana cikin tsaro.

Manyan jiragen sojoji biyu ne suka fara tashi kamar da mintuna goma sannan jet ɗin lion ya tashi, sai wasu manya-manyan jiragen biyu saka tashi, suka saka jet ɗin a tsakiyarsu, sai na yaki ɗaya a baya. Haka suka nufi Spain.

A ɓangaren daddy kuwa, Romeo na fita, ya zauna saman sofa yana dafe kirjinsa da ke masa bala'i ciwo kamar zai fashe. Already da ma lion ya san hakan za ta faru shi yasa ya ce da Tga ya zauna a gida kada ya bi shi, ya kula da daddy kawai, time to time su rinƙa yi masa alluran barci zuwa gobe zai dawo, shi ma kuma Michael gobe za'a dawo da shi gida, dan ya samu sauƙi ba laifi.

Sai faman dafe kirji daddy yake, a wannan halin Tga ya dawo cikin falon ya same shi, bayan ya kaiwa Romeo system da wayar ke nan.

Cikin sauri ya kariso cikin palon yana faɗin "What happened daddy?" Shiru daddy ya yi ya kasa magana saboda zafin da kirjinsa ke yi masa, dan a tunanin sa yaki lion zai tafi, shiyasa ya shiga damuwa, ga shi kuma lion ya ce Spain zai tafi, kuma daddy yasan da cewa James na can, tsoro yake kar dai wani abin ne ya faru a can Spain ɗin, dan yadda ya ga fuskar lion yau ba'a magana, abin sai dai mu ce Alhadulillah.

Ganin daddy ya ki yin magana yana ta faman dafe kirjinsa ne yasa Tga ya ɗauke sa cak kamar ƙaramin yaro, kai tsaye word room ya wuce da shi. Yazo zai haura saman benen ne yaci karo da Musharraf sume a kasa yana kwance magashian. Mamaki Tga ya yi na me ya kawo Musharraf nan, har ya suma haka.

Ransa cike da tunani ya wuce word room ɗauke da daddy. Bayan ya kai daddy ya masa alluran hutu ne, ya dawo ya ɗauki Musharraf dan ya mai da shi word room, amma kuma ya yi hakan ne dan James da Romeo ba wai dan yana son Musharraf ba, kawai don dai ya san akwai camera a palon ne, kome ya yi James ko Romeo za su gani, shi yasa ya yi hakan, ba dan haka ba, kun dai san Tga baya kaunar Musharraf ko kaɗan.

Word room ya mai da Musharraf ya kwantar da shi saman bed nasa, ya fito ya nufi nashi bangaren don ya je ya yi wanka ya canza kakin jikinsa.

To mu leƙo Nigeria kafin mu dawo wata kila lion ɗin mu ya isa Spain sai mu bi shi muga ne ya je yi a can

Ilorin, Kwara State💞💞

Sai misalin karfe 6 na yamma Rimsha ta farka daga barcin wahala da ya ɗauke ta, jikin ta duk zafi yake mata, kamar an mata duka da itace haka ta ke ji. Meƙewa zaune a tsakiyar gadon ta yi tare da zuro kafafunta kasan gadon, wanka da tayi a ruwan saman nan ya ja mata ciwon kai sosai, ga shi tazo ta sha kuka rasuwar daddynta, abin sai ya haɗu ya mata yawa. Da kyar ta iya miƙewa ta nufi drawer kayan Kausar. Mayafi ta ɗauko tare da ɗaukan 1k daga cikin ragowar canjin da ya rage.

Falo ta fito, babu kowa, Kausar da Ayla ba sa nan, tasha mamakin ina kuma suka je, da kamar za ta wuce ta fita, sai kuma ta fasa ta juyo ta dawo ta nufi wajen Iya. Kamar yadda ta bar Iya ɗazun haka ta dawo ta same ta tana kwance saman gado. Sallama ta mata, daga kwance Iya ta amsa sannan tare da mata izinin shigowa.

Shiga cikin ta yi, wajen da ta tsaya ɗazun a nan ta tsaya yanzu ma. A nutse ta ce "Iya ina Kausar da Ayla." "Sun tafi tallar kifi." Iya ta ba ta amsa, mamaki ne ya kama ta, tallar kifi kuma ta faɗa a ranta, ita dai a nata tunanin sai talakawa ne kawai ke yin talla, amma me yasa su Kausar, za su je talla bayan su suna da rufin asiri, bata san yarabawa da neman kuɗi bane, basa zaman banza, fita suke su nemi halak ɗinsu, matansu da mazansu, basa wasa da neman kuɗi.

Kamar za ta sake yiwa Iya wata maganar, amma sai ta fasa ta fito ta nufi waje.

Kai tsaye shagon Sadudin ta nufa, dan yanzu ta san hanya zuwa shagon nasa. Makilin da brush na goge baki ta saya, brush guda biyu ta saya, makilin kuma guda ɗaya. Ta ba shi 1k ya bata canjin 400, har ta karɓi canjin za ta tafi sai kuma ta sake ba shi canjin ta ce ya bata cardboard paper and pencil, Allah ya sa yana da shi, ya karɓi kuɗin ya ɗauko ya bata tare da canjin 180, color na zane ta sake saya da ragowar canjin.

Bayan ta gama sayyan zata wuce Sadudin ya fara tambayar ta daga ina take, ya suke da Kausar, tana jin abin da ya ce, dan da broken English ya yi magana, saboda ya san ba bayarabiya bace.

Saboda tsiya irin na Rimsha sai ta nuna masa ita bata jin English ma kwata-kwata, shi kuma ya dage sai ya ji gulma, sai ya fara yi mata yar kurma-kurma da hannu, nan ma ta ce masa bata gane komai ba. Saboda gulma irin na shi har da fitowa waje daga cikin shagon yana mata kwatancen ta in da arewa yake ya na faɗi daga can take. Hannu ta ɗaga sama ta ce masa daga duniyar wata take, nan fa ya gane raina masa wayo tayi ashe tana jin sa, ta bar shi sai yin yar kurma-kurma yake kamar mahaukaci ya zage sai kwatance yake.

Kafin ya gama tunanin da yake Rimsha ta sa kai ta wuce abinta, ciza laɓɓa ya yi alamar bai ji daɗi ba, yaso ya ji daga ina take, ya so ta saki jiki da shi, amma ina bai samu dama ba, dan ita ma Rimsha ba kanwar lasa ba ce, ta iya tsiya, amma sai idan ka taɓota take tsiyar nata.

A nutse take tafiya har ta isa gida. Da sallama ɗauke a bakinta ta shiga cikin palon, wani matashi ta yi arba da shi zaune cikin palon saman sofa yana cin abinci, kamannin sa ɗaya da Kausar, sai dai shi baki ne Kausar kuma tana da ɗan haske. Cikin girmamawa ta gai da shi cikin harshen turanci dan tasan da wuya idan baya jin turanci, fuskarsa ɗauke da fara'a ya amsa tare da tambayar ta wa take nema, dan a tunaninsa Rimsha yar garin ce, tazo neman Kausar ce ko Iya, shiru ta masa ta rasa amsar da zata ba shi.

Ganin ta yi shiru ne yasa ya ce "Wajen Kausar ki ka zo ne?" Ya yi maganar cikin harshen Hausa dan ya lura kamar Rimsha bahaushiya ce ba bayarabiya ba ce, cikin sauri ta gyaɗa masa kai alamar eh wajen Kausar ta zo. Girgiza kai ya yi yana faɗin "Eyya sorry ba ki san Kausar ta ɓata da su ka je Kd da Iya ba ko?" Shiru Rimsha ta masa, ta rasa ta ya zata masa baya ni, tunani take ko dai ta ce masa, ita ma yanzu yar gidan ce. Ci-gaba da cin abincin sa ya yi tun da ya ga taki yi masa magana, ita ma shiru ta tsaya, tana son wucewa cikin ɗakin Kausar ta je ta jiye mu su brush nasu ita da Ayla, sannan ta fara aikin zanen fuskar GAR, amma kuma tana tsoron wuce wa kada wannan matashin ya yi tunanin ko wani abu ta zo ɗauka musu.

Ta jima tsaye a wajen kafin Iya ta fito daga cikin ɗakin ta tana faɗin "Wasiu idan ka gama cin abinci ka sayo mana kifi da ɓomo, dan zan ɗaura abincin dare" ta yi maganar cikin harshen yarabanci. Da alamar shi ma Wasiu irin Kausar ne fagen cin abinci, dan ga shi nan Iya tana masa magana bai tanka ba, sai kai loma kawai take hannu baka hannu kwarya.

Wani nauyayyar ajiyar zuciya Rimsha ta sauƙe lokacin da Iya ta shigo palon kamar wadda aka tsare a prison yanzu kuma anzo fitar da ita, haka ta ji a ranta.

"Rimsha me ya tsai da ke a nan?". Cewar Iya, kasa da kai Rimsha ta yi tana ɗan satar kallon bodar Wasiu. Ganin haka ya sa Iya ta gane me Rimsha take yi wa kame-kame. "To wuce ciki abinki, wannan yayanku ne, yayan Kausar na biyu ne." sai lokacin ya da kata da cin abincin, ya dawo da kallonsa kan Rimsha. "Iya daga ina kuma ku ka samo wannan yarinya mai bala'i kyau haka?" Yar dariya Iya ta yi kafin ta ce "Tare suka zo da Kausar" a zabure ya miƙe tsaye yana faɗin "Me ki ke ce Iya? Kausar fa, to ina Kausar ɗin ta ke? Yau she ta dawo? Ai na a ka gane ta?" Ya yi maganar yana zaro ido waje.

"Oh sorry ban faɗa ma ka Kausar ta dawo ba ko?". Cewar Iya. Jin sun kamo wani topic na hira ne yasa Rimsha ta lallaɓa ta wuce da Sauri abinta ta shige ɗakin Kausar tana sauƙe ajiyar zuciya, ta baro su nan suna zance.

Tana shiga ta ajiye brush da makilin ɗin da ta sayo musu ita da Ayla, a saman ɗan karamin drawer dake ɗakin, sannan ta haye saman gado, tare da shinfiɗe cardboard paper ta ɗauki pencil ta fara zanen fuskar GAR kamar yadda ta saba. Kasan cewar ta kware a zanen na shi ne yasa ta yin saurin gamawa, dan in da sabo ta saba, yanzu yanzu zata zana shi, kuma ya fita ras, kamar ki kira shi ya amsa.

Yau zanen sa da ta yi ma, na daban ne da kullun, dan yau ta zana shi a babba da face mask, sai kuma ta zana wani karamin hoton na shi, a kasan babban, shi kuma wannan karamin ba bu face mask ta zana shi, duk da cewa bata taɓa ganin shi ido da ido ba, ma'ana bata taɓa ganin asalin fuskarsa babu face mask ba, tana iya kawata yadda kyansa zai kasance a zahiri, sai ta zana shi ita yana yin yadda fahimtar kyansa da ta yi.

"Rimsha rubutun mene wannan a kirjin ki?" Kamar daga sama ta ji muryan Malika, ko a ce muryarta, don ba abin da ya raba muryarta da ta Malika. Cikin sauri ta ɗago kai tana kallon Malika. Tsaye take a bakin kofar shigowa ɗakin, ta goya hannu a kirji tana murmushi, kamar kullun dogon riga ne har kasa purple color a jikinta, ta yafa mayafin rigar a kanta.

Murmushi ita ma Rimsha ta yi tana faɗin "Ina ki ke tafi ɗazun?". Karisowa cikin ɗakin Malika ta yi tare da zama kusa da ita tana kallon zanen sunan GAR dake kirjin Rimsha. "Baki faɗa min zane me a kirjin ki ba". Cewar Malika ta yi maganar tana kai hannun ta saman kirjin Rimsha.

Kasan cewar Rimsha ta fara kirgan dangin sai abin ya bata kunya ta ɗan ja baya bata bari Malika ta taɓa mata kirji ba, kuma azahirin gaskiya tun da tayi zanen sunan Romeo take rufe